Informadsion' in Säggsch

Herzlisch willgommn bei dor Dräsdner Bargeisenbahn. Wir ladn Se zu eener Rundfahrd mid unsern hisdorischn Züschn een. Erläbn Se de Vielfald des Großn Gardens mid seenn Grünanlahchn, Blumn unn Wasserfondän.
De Lilibudeisenbahn off ihrn 381 mm Schburweide erschließd eenn großn Deil des Bargs unn häld off insgesamd fünf Bahnhöfn in dor Nähe von Sehenswürdschgeedn.
Genießn Se de Landschafd unn eenn Hauch von Eisenbahnromandig im Großn Gardn.

Bedriebszeidn', Veranschdaldungn', Fahrbreise

➔ > www.dresdner-parkeisenbahn.de <

Dambflogomodive "Lisa" (Nr. 001)

De beedn Elegdrologomodivn

Gardengunsd erlebn

Bildquelln: Sammlung Fördervereen Dresdner Bargeisenbahn ä.V.

De Geschischde dor Bargeisenbahn:

Seid den Anfängn dor Eisenbahn gab es Vorschdellungn zur Nachbildung dor Eisenbahn im Gleenn. So endschdandn im Laufe dor Jahre Feld-, Lilibud-, Gardn- unn Modelleisenbahn'. De Dräschdner Bargeisenbahn is eene Nachbildung im Größenverhäldnis 1:3 (eens zu dreie). Damid gehörd sie zu den Lilibudeisenbahn'. De Dambflogomodivn wurdn 1925 bei dor Firma Grauss & Co. in Münchn gebaud. In Dresdn fuhrn de Züge ab 1930 zu Higiene- unn Gardenausschdellungn.

Währenn des zweedn Weldgrieschs gamn de Lilibudeisenbahn deilweise zu Schadn unn geriedn in Vergessenheid. 1950 endschdann in mühevoller Orbeit undor Leidung dor Vergehrsbedriebe Dräsdn eene "Gindereisenbahn", welsche am erschten Juni eröffned wurde.

De 1,3 Gilomedor lange Schdregge führde vom Schdübelbladz zum Zoo. Weensche Dädischgeidn wurdn bereids damals von Wännsdorrn ausgeführd, wie zünn Beischbiel Fahrgardengnibsor odor Schaffnor. Och sollde de Bahn nur vorübergehenn in Dräschdn bleibn. Da den Bälschorn de Dädischgeidn an dor Bahn Freude bereidede unn se och weiderhin dieses Hobbie ausübn wolldn, endschied man, de Bahn in Dräschdn zu belassn. Abbm erschten Mai 1951 erhield se den Namn "Bioniereisenbahn". Bis Juli 1951 gonnde de Schdregge auf 5,6 Gilomedor Länge erweiderd unn feschd insdallierd werdn.

Eene nochmalsche Umbenennung gab ihr 1990 dn Namn "Dräschdner Bargeisenbahn". Seid 1993 befinded sisch de Bahn im Eischendum des Freischdaades Saggsen unn wird von den "Schlössern unn Gärdn in Dräschdn" bedriebn. 1998 enddeggde das Masgoddchn "Bargolino" das Lischd dor Wäld unn erfreud seiddäm de großn unn gleenn Fahrgäschde dor Bahn.

Mid'm Neubau dor Gläsern' Manufagdur von "Fauweh" endschdann im Jahr 2000 een neuer moderner Bahnhof. De Schdreggenführung is seid dem leischd veränderd unn führd den Rundgurs diregd am Bodanschn Gardn vorbei. Im Jahr 2004 erhield de Log EA02 eenn elegdronischn Fahrschaldor unn eene neue Laggierung. Seid dem Jahr 2007 finded jährlisch een Jugendausdausch mid dor Gindereisenbahn Budabeschd schdadd.

Im Jahr 2010 feierde de Bargeisenbahn ihr seschzischjährisches Beschdehn mid eener großn Fesdwoche unn dor Leipzscher Gasddambfloggomodive mid dor Nummer null-null-zwee. Durch umfangreische Sanierungsarbeidn an den Gleesn unn Fahrzeugschn wird de gleene Bahn wohl noch viele Jahre ihre Rundn dursch'n Großn Gardn fahrn. Den 25-millionschdn Fahrgasd gonnde de Bargeisenbahn im Jahr 2017 begrüßn.

1930 / 1931 - Higieneausschdellung

1951 - Eröffnung große Rundfahrd

1966 - De Log "EA01" am Bahnhof Zoo

Masgoddchn "Bargolino"

Bildquelln: Sammlung Arndt, Dräschdner Vergehrsbedriebe, Sammlung Fördervereen Dresdner Bargeisenbahn ä.V.

Das Hobbü Bargeisenbahn:

Über zweehunderd Schüler ab zähn Jahrn habn de gleene Bahn zu ihrm Hobbi gemachd. Sie führn fasd alle Diensdbosdn off den Bahnhöfn unn im Zug selbsdschdändich aus. Im Windor werdn se für ihre Dädischgeid ausgebilded. Wie och de großen Bahn fährd de Dräsdner Bargeisenbahn nach schdrengn Sischerheidsvorschrifdn.

Undor dor Offsischd von Bahnhofsleidern unn Assisdändn lern' de Bargeisenbahnerinn' unn Bargeisenbahner, wie bei dor großn Eisenbahn de Züge fahrn. So findn hier viele Gindor eene sinnvolle Freizeidbeschäfdigung, de och für eene schbädere Bewerbung im Eisenbahnbereisch sehr hilfreisch isd.

Bei ihrem Hobbü hilfd dor Fördervereen Dresdner Bargeisenbahn ä.V. gräfdich mid. Er organisierd Eggsgursion' zu andern Bahn' unn inderessandn Zieln runn um das Dema Eisenbahn. Durch zahlreische Veranschdaldungn wird dor Diensd off den Bahnhöfn ergänzd.

Hier hamm de Wännsdorr das Sahchn!

Bildquelle: R. Schwenzer, Parkeisenbahn Dresden e.V.